पणजी: केपे कला, विज्ञान आणि वाणिज्य सरकारी महाविद्यालय क्रीडा विभागाच्या वतीने काढण्यात आलेल्या पुस्तिकेचे प्रकाशन राज्यपाल पी. एस. श्रीधरन पिल्लई यांच्या हस्ते राजभवनावर करण्यात आले. यावेळी महाविद्यालयाचे प्राचार्य डॉ. जयदीप भट्टाचार्य आणि क्रीडा विभागप्रमुख डॉ. राजन मॅथ्यू उपस्थित होते.

महाविद्यालयाने क्रीडा आणि अ‍ॅथलेटिक्स या विभागात केलेल्या देदीप्यमान कामगिरीवर प्रकाशझोत टाकण्यासाठी या पुस्तिकेची निर्मिती क्रीडा विभागातर्फे करण्यात आलेली आहे. सन 2008 व सन 2015 यावर्षीही अशाच पद्धतीची पुस्तिका प्रकाशित करण्यात आलेली होती. यंदाची ही तिसरी पुस्तिका आहे. सरकारी महाविद्यालय केपेच्या क्रीडा विभागाने महाविद्यालयीन, राज्यस्तरीय, राष्ट्रीय स्तरांवरील स्पर्धांमध्ये सातत्याने चांगली कामगिरी केलेलीआहे.