सावंतवाडी: गोव्यातून पुण्याकडे निघालेल्या खासगी रुग्णवाहिकेचा गुरुवारी (१० एप्रिल) अपघात झाल्याची माहिती समोर आलीय. सावंतवाडी-माजगाव येथील माटव हॉटेलजवळ ही दुर्घटना घडली. रस्त्यावर अचानक गाय आडवी आल्यामुळे चालकाचे नियंत्रण सुटले आणि रुग्णवाहिका रस्त्याच्या कडेला उलटली.
या अपघातात रुग्णवाहिकेतून उपचारासाठी पुण्याकडे नेत असलेल्या वृद्ध महिलेला दुखापत झाली आहे. महिलेला तत्काळ सावंतवाडी येथील उपजिल्हा रुग्णालयात दाखल करण्यात आलं. रुग्णवाहिकेत असलेल्या इतर ४ जणांना किरकोळ दुखापत झालीय.
अपघातात उबाल्डा डिसोजा (वय- ७९) यांच्यासह परिचारिका बेनिता अल्मेडा (वय- ६१), जेसीता फर्नांडिस (वय ५०) आणि इसीजा फर्नांडिस (वय ५०) यांनाही किरकोळ दुखापत झाली आहे. सुदैवानं या अपघातात कोणाचाही जीवितहानी झाली नाही.
घटनेची माहिती मिळताच, सामाजिक कार्यकर्ते रवी जाधव आपल्या सहकाऱ्यांसह तातडीने घटनास्थळी दाखल झाले. अपघातग्रस्त रुग्णवाहिकेतील जखमींना बाहेर काढत त्यांनी सावंतवाडी रुग्णालयात दाखल केलं.
या अपघातात रुग्णवाहिकेचे मोठ्या प्रमाणावर नुकसान झालंय. या अपघातामुळे रस्त्यावर मोकाट फिरणाऱ्या जनावरांचा प्रश्न पुन्हा ऐरणीवर आला आहे. वारंवार घडणाऱ्या अशा अपघातांमुळे नागरिकांकडून चिंता व्यक्त करण्यात येत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.