President Droupadi Murmu Goa Visit
पणजी: राष्ट्रपती द्रौपदी मुर्मू यांनी गुरुवारी लष्करी गणवेशात विक्रांत या विमानवाहू युद्धनौकेवर जात नौदलाचे सामर्थ्य पाहिले. राष्ट्रपतींसाठी गोव्यालगतच्या खोल समुद्रात नौदलाच्या पश्चिम ताफ्याने कवायतींचे आयोजन केले होते.
या कवायतीत १५ प्रमुख युद्धनौका आणि पाणबुड्या सहभागी झाल्या होत्या. विक्रांत या विमानवाहू युद्धनौकेवर राष्ट्रपतींची ही पहिली भेट होती. यावेळी नौदलप्रमुख ॲडमिरल दिनेश त्रिपाठी होते. भारतीय सेनादलांच्या सर्वोच्च कमांडर असलेल्या राष्ट्रपतींना यावेळी यावेळी नौदलाचे कार्य आणि कार्यपद्धतीची माहिती देण्यात आली. राष्ट्रपतींनी विविध नौदल कार्याचा अनुभव घेतला.
दरम्यान, राष्ट्रपती द्रौपदी मुर्मू यांचे गुरुवारी गोव्यात आगमन झाल्यानंतर राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत, शिष्टाचार मंत्री माविन गुदिन्हो आणि इतरांनी त्यांचे आयएनएस हंसा नौदल तळावर जोरदार स्वागत केले. नौदलाच्या स्वागत पथकाने राष्ट्रपतींना मानवंदना दिली. यावेळी दक्षिण गोवा लोकसभा खासदार कॅप्टन विरियातो फर्नांडिस, विरोधी पक्षनेते युरी आलेमाव, मुख्य सचिव डॉ. व्ही. कादावेलू, नौदल प्रमुख ॲडमिरल दिनेश के त्रिपाठी, दक्षिण गोवा जिल्हाधिकारी एग्ना क्लीटस आदींची उपस्थिती होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.