पोर्तुगिजांच्या जुलमी राजवटीच्या बेड्या तोडून सर्व गोमन्तकीयांनी 19 डिसेंबर 1961 रोजी स्वातंत्र्याचा सूर्य पाहिला. 450 वर्षाहून अधिककाळ गोव्यात पोर्तुगीज तळ ठोकून होते. भारतीय लष्काराच्या तुकड्यांनी 36 तासांत गोव्यात पोर्तुगिजांपासून मुक्त केले. ऑपरेशन विजय असे गोव्याला मुक्त करण्यासाठी केलेल्या लष्करी ऑपरेशनचे नाव होते. गोव्याच्या 62 व्या मुक्तिदिनानिमित्त राज्याचे मुख्यमंत्री प्रमोद सावंत यांनी राज्यातील जनतेला शुभेच्छा दिल्या आहेत.

"सर्व गोमन्तकीयांना मुक्तिदिनाच्या शुभेच्छा. राज्याच्या प्रगतीचा साक्षिदार होणं माझ्यासाठी अभिमानाची गोष्ट आहे. आपण गोल्डन गोवा या स्वप्नाच्या जवळ जात आहोत. गोवा मुक्तीसाठी बलिदान दिलेल्या आणि लढा दिलेल्या सर्वांना श्रद्धांजली. ऑपरेशन विजयमध्ये सहभागी सर्व शूरवीर भारतीय सैनिकांना सलाम." अशा शब्दात मुख्यमंत्री सावंत यांनी सर्वांना शुभेच्छा दिल्या आहेत.

"मुक्तिदिनाच्या निमित्त गोव्याच्या जनतेला माझ्याकडून शुभेच्छा. वसाहतवादी राजवटीतून गोवा मुक्तीसाठी लढलेल्या स्वातंत्र्यसैनिकांना आदरांजली. सशस्त्र दलांच्या शौर्याला सलाम. गोव्याच्या जनतेला माझ्या शुभेच्छा." अशा शब्दात देशाच्या राष्ट्रपती द्रौपदी मुर्मू यांनी गोव्यातील जनतेला शुभेच्छा दिल्या आहेत.