Cuncolim Rain Dainik Gomantak
गोवा

Cuncolim: रस्ते बुडले, घरांतही शिरले पाणी; कुंकळ्ळीत पूरसदृश स्थिती

Cuncolim Rain: कुंकळ्ळी औद्योगिक वसाहती जवळ कोकण रेल्वे अंडरपास पाण्याखाली आल्याने वाहन चालकांना बरेच त्रास सहन करावे लागले.

Sameer Panditrao

कुंकळ्ळी: मान्सूनपूर्व पावसामुळे कुंकळ्ळी पालिका क्षेत्रातील सर्व प्रभागांत पाणी साचल्याने लोकांची तारांबळ उडाली. भिवसा, गोठण, कोंबा पारिकोटो, केगदीकटा, वेरोडा, तलवाडा, कुंकळ्ळी औद्योगिक वसाहत व इतर भागात पाणी साचल्याने रस्ते पाण्याखाली आले.

कुंकळ्ळी औद्योगिक वसाहती जवळ कोकण रेल्वे अंडरपास पाण्याखाली आल्याने वाहन चालकांना बरेच त्रास सहन करावे लागले. कोंबा पारिकोटो येथे पाण्याचा निचरा न झाल्याने पूर्ण रस्ता पाण्याखाली आला होता. काही घरात ही पाणी गेल्याने लोकांची तारांबळ उडाली.

पालिकेने मान्सून पूर्व कामे हाती न घेतल्यामुळे व गटाराची साफसफाई न केल्यामुळे पाण्याचा निचरा योग्य प्रकारे झाला नाही. त्यामुळे सर्वत्र पूरसदृश स्थिती होती.

दरम्यान, सरकारी आदेशाची पायमल्ली करून भरपावसात आकामळ ते आंबावलीपर्यंत रस्ता खोदण्याचे चालू आहे. या संदर्भात दै. गोमन्तकमध्ये बातमी प्रकाशित झाल्यावर दुसऱ्या दिवशी कुंकळ्ळी पोलिसांनी दखल घेत रस्ता खोदण्यासाठी वापरण्यात येणारी यंत्रे बंद ठेवण्याचा आदेश कंत्राटदाराला दिला होता.

मात्र सोमवार व मंगळवारी पुन्हा हा रस्ता खोदण्याचे काम सुरूच ठेवण्यात आले होते. काही भाग यंत्राच्या साहाय्याने तर काही भाग कामगार खोदत होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Friendship Day 2025: फ्रेंडशिप डे स्पेशल! तुमच्या जिगरी मित्राला पाठवा 'हे' खास संदेश

IND vs ENG: फलंदाजीतही 'दीप' चमकला! आकाश दीप विराट-सचिनच्या खास क्लबमध्ये सामील; अशी कामगिरी ठरला चौथा भारतीय खेळाडू

शेवटच्या श्वासापर्यंत देशसेवा करणाऱ्या पर्रीकरांबाबतही ते खोटे बोलले होते; अरुण जेटलींनी धमकी दिल्याचा राहुल गांधींचा दावा हास्यास्पद - प्रमोद सावंत

Handwriting Competition: 'गोमंतक'तर्फे 40 दिवसांची राज्यस्तरीय हस्तलेखन स्पर्धा; आकर्षक बक्षिसे जिंकण्याची सुवर्णसंधी

America-Russia Tension: 'रशियासोबत अणुयुद्धासाठी अमेरिका तयार'! डोनाल्ड ट्रम्प यांच्या वक्तव्यानं खळबळ; जागतिक राजकारण तापलं VIDEO

SCROLL FOR NEXT