मडगाव: नुवेचे आमदार विल्फ्रेड (बाबाशान) डिसा (MLA Wilfred D'Sa) यांच्या पत्नी फ्रिडा डिसा यांच्यासह आमदाराच्या सर्व समर्थकांची निष्पक्ष चौकशी करा अशी मागणी आपच्या राज्य उपाध्यक्ष प्रतिमा कुतीन्हो (Pratima Coutinho) यांनी केली आहे. (Pratima coutinho has demanded an inquiry into MLA Babashan)

आज त्यांनी आप कार्यकर्त्यासह मायणा कुडतरी पोलिस स्थानकाचे निरीक्षक शिवराम वायगणकर यांची भेट घेऊन त्यांच्याकडे तक्रार केली. आमदाराच्या समर्थकांची चौकशी झालीच पाहिजे असा आग्रह त्यांनी धरला.

बाबाशान यांच्या समर्थकांनी आप कार्यकर्त्याना शिवीगाळ केली आणि मारहाणही केली. आमदारांची पत्नी फ्रिडा डिसा हिने आप समर्थकावर अंडी फेकून मारली असे त्यांनी आपल्या तक्रारीत म्हटले आहे.

मागच्या शनिवारी आमदार डिसा यांनी केलेल्या पक्षांतराला दोन वर्षे पूर्ण झाल्यामुळे त्यांना केक घेऊन गेलेल्या आपच्या कार्यकर्त्यांना आमदार समर्थकांनी नुवे येथे अडविले होते. त्यावेळी आप कार्यकर्ते आणि बाबाशान समर्थक यांच्यामध्ये ही धुमश्चक्री झाली होती.