वीज खात्यामार्फत बार्देश तालुक्यात तीन दिवस वीजपुरवठा खंडीत करण्यात येणार आहे. तालुक्यातील काही भागांतील वीज वाहिन्यांना अडथळा होणाऱ्या झाडांची कापणी करण्यात येणार असल्याने वीज पूरवठा खंडित केला जाणार आहे.

याबाबत वीज खात्यामार्फत एक प्रसिध्दिपत्रक जाहीर करण्यात आले आहे. 25 ऑक्टोंबर रोजी 11 केवी थिवी गाव फिडरवर सकाळी 9 ते दुपारी 2 वाजेपर्यंत दुरुस्ती करण्यात येणार असल्याने अवचित वाडो, सेंट अनिस कॉलनी टेलिफोन एक्सेंज, लोबो वाडो, क्वेरी, लाला कॉलनी आणि सभोवतालच्या परिसरात वीजपुरवठा खंडीत केला जाणार आहे.

27 ऑक्टोंबर रोजी 11 केवी कोलवाळ फिडरवर सकाळी 9 ते दुपारी 2 वाजेपर्यंत दुरुस्तीचे काम करण्यात येणार असल्याने रेवोरा चर्च पंचायत नादोरावाडी, तारवाडा, शिमोल्डा, गोस्ट स्कूल, जुवे, नादोडा गाव आणि आसपासच्या परिसरात वीजपुरवठा खंडीत केला जाणार आहे.

28 ऑक्टोंबर रोजी 11 केवी कोलवाळ फिडरवर सकाळी 9 ते दुपारी 2 वाजेपर्यंत दुरुस्तीचे काम करण्यात येणार असल्याने आपाची चाळ, कॅनल, वेताळ देवस्थान, कॉर्पोरेशन बॅंक, रेवोरा, मानसवाडा, कोणीनाका वाडो, कोलवाळ स्पोर्ट्स कॉम्प्लेक्स, राम नगर, टेलिफोन एक्सेंज तारीवाडो आणि आसपासच्या परिसरात वीजपुरवठा खंडीत केला जाणार आहे.