सुशांत कुंकळयेकर

PM Modi In Goa :

सांकवाळ, पंतप्रधान नरेंद्र मोदी यांची आजची सभा गोव्यातील भाजप कार्यकर्त्यांना ‘चार्ज’ करणारी ठरली. मोदी यांचे प्रभावी भाषण कार्यकर्त्यांना भारावून सोडणारे होते.

इथला पूर्ण माहोल ‘मोदीमय’ झाला होता. कार्यकर्ते ‘मोदी मोदी’ असा जयजयकार करत होते.

नरेंद्र मोदी यांची ही मुरगाव तालुक्यातील पहिलीच जाहीर सभा होती. या सभेला ५० हजारांची उपस्थिती लावण्यासाठी मागचे काही दिवस स्थानिक भाजप नेत्यांना कामाला लावले होते. आज ती संख्या गाठली गेल्याने भाजप नेत्यांच्या तोंडावरही समाधान दिसत होते. सभा यशस्वी करण्याचे शिवधनुष्य मुखमंत्री डॉ. प्रमोद सावंत यांनी उचलले होते. त्यांना राज्यातील दुसऱ्या क्रमांकाचे

एक बँक लुटारु, दुसरा देशद्रोही

मंत्री विश्‍‍वजीत राणे यांचाही पाठिंबा मिळाला. नरेंद्र मोदी व्यासपीठावर आले त्यावेळी त्यांनी मुख्यमंत्री सावंत यांचे कौतुक केलेच, शिवाय विश्‍‍वजीत राणे यांचीही पाठ थोपटली. या सभेला झालेली गर्दी पाहून मोदी यांनी ‘ही प्रचार सभा की

विजय सभा’ असे गौरवोद्‌गार काढले.

ही सभा यशस्वी करण्यासाठी पंचायतमंत्री माविन गुदिन्‍हो, वास्कोचे आमदार दाजी साळकर आणि मुरगावचे आमदार संकल्प आमोणकर यांनीही बरेच कष्‍ट घेतले. आजची लोकांची उपस्थिती पाहून त्यांच्याही चेहऱ्यावर समाधान पसरले.