पणजी: पेडणेचे आमदार प्रवीण आर्लेकर यांनी एका उद्धघाटन कार्यक्रमात पत्रकाराचा मोबाइल फोन हिसकावून तो जमिनीवर फेकत गैरवर्तन केल्याचा व्हिडीओ व्हायरल झाला आहे. यावरुन आमदार आर्लेकर यांनी बिनशर्त माफी मागितली आहे. पत्रकारास दुखावण्याचा माझा कोणताही हेतू नव्हता, असे म्हटले आहे.

(Pernem MLA Pravin Arlekar tendered an apology for manhandling a journalist)

याबाबत बोलताना घडलेल्या प्रकारावरुन मी माफी मागतो, तसेच यापुढे अशी घटना माझ्याकडून कधीही घडणार नाही, याचे आश्वासन देतो असे आमदार आर्लेकर म्हणाले होते. व्हायरल झालेल्या व्हिडिओमध्ये आमदार आर्लेकर यांनी एका पत्रकाराचा मोबाइल फोन हिसकावून तो जमिनीवर फेकला आहे. तसेच गैरवर्तन घडल्याचं ही या व्हिडीओत दिसत आहे. यावरुन आमदार आर्लेकर यांनी जाहीर माफी मागितली आहे.

नेमकं काय आहे प्रकरण ?

आमदार प्रविण आर्लेकर यांच्या हस्ते पायाभरणी समारंभ पार पडणार होता. हा कार्यक्रम सकाळी 10 वाजता सुरू होणार होता, परंतु प्रमुख पाहुणे असलेले आमदार 11.45 वाजता कार्यक्रम स्थळी पोहोचल्याने पत्रकारांनी विलंबाच्या कारणाविषयी विचारले असता, आर्लेकर यांनी पत्रकाराला शाब्दिक शिवीगाळ केली.

पत्रकाराला घटनास्थळ सोडून जाण्यास पत्रकारास सांगितले, मी यांच्या बातम्यांच्या कव्हरेजवर अवलंबून नाही. असे म्हटल्याचे रेकॉर्डिंगमध्ये दिसत आहे. यात आर्लेकर यांनी पत्रकारास मारहाण करून मोबाईलचे नुकसान केल्याचे चित्रण झाले.

विरोधी पक्षांनीही हे प्रकरण नेटाने उचलून धरले, गोवा काँग्रेस प्रदेशाध्यक्ष अमित पाटकर म्हणाले केले की, जेव्हा सत्ता डोक्यात जाते तेव्हा असेच होते. भाजप आमदार प्रवीण आर्लेकर यांनी प्रसारमाध्यमाच्या प्रतिनिधींशी आक्षेपार्ह कृत्य केले आहे. हे उदाहरण म्हणजे हुकूमशाहीचे उदाहरण असल्याचं म्हटले आहे.

याबाबत विरोधी पक्षनेते युरी आलेमाव यांनी ट्विट करत म्हटले आहे की, भाजप आमदार प्रवीण आर्लेकर यांच्या कृत्याचा तीव्र शब्दात निषेध करतो, त्यांनी शिवीगाळ करताना आणि प्रसारमाध्यमांना मारहाण करताना व्हिडीओत पकडले आहे. यातुन लोकशाहीच्या चौथ्या स्तंभाला ते असेच वागवत असल्याचा टोला लगावला आहे.