मडगाव (खास प्रतिनिधी) : जलसंसाधन खात्याच्या फातोर्डा येथील कार्यालयात शिपाई म्हणून काम करणारा जयवंत नाईक (59) याने कर्यालयातच गळफास लावून घेऊन आत्महत्या केल्याची खळबजनक घटना आज घडली.

ही बातमी मिळाल्यावर फातोर्डा पोलीसांनी घटना स्थळावर धाव घेऊन पंचनामा करण्याचे सोपस्कार केले. आज शनिवार असल्याने कार्यालयाला सुट्टी असल्याने हा कर्मचारी रात्री कार्यालयातच थांबला असावा आणि रात्रीच त्याने ही आत्महत्या केली असावी असा प्राथमिक अंदाज व्यक्त करण्यात येत आहे.

दरम्यान, गोव्यात थोड्यावेळापूर्वी अशीच एक घटना घडली आहे. गोव्यातील कसिनोमध्ये काम करणाऱ्या एका नेपाळी मुलीने ती राहत असलेल्या अपार्टमेंटमध्ये गळफास घेऊन आत्महत्या केल्याची धक्कादायक घटना घडली आहे. पणजीतील सांतीनेज परिसरातील सिद्धीविनायक मंदिराजवळ असलेल्या अपार्टमेंटमध्ये तिघीजणी राहत होत्या. पोलिसांनी मृतदेह ताब्यात घेतला असून ते पुढील तपास करत आहेत.

या मुलीने आत्महत्या का केली त्याचे कारण अद्याप कळू शकले नाही.