वास्को: वास्‍कोत काल झालेल्‍या कार्निव्हल मिरवणुकीत भारतीय नौदलाने सहभाग घेऊन चित्ररथ, एक लहान स्किट आणि एक आकर्षक बँड परफॉर्मन्स सादर केला. कोविड महामारीच्‍या (Covid-19) काळात असंख्य लोकांना वैद्यकीय मदत मिळवून देण्यासाठी नौदलाने राबविलेल्‍या ‘ऑपरेशन समुद्र सेतू’मध्ये भाग घेत असलेल्या जहाज, आयएनएसचे सादरीकरण यावेळी करण्यात आले आहे. (Participation of Indian Navy in vasco Carnival)

‘लस मैत्री’ उपक्रमाअंतर्गत भारतीय नागरिकांना मायदेशी परत आणणे, वैद्यकीय ऑक्सिजनची (Oxygen) वाहतूक करणे आणि कोविड लसींचे 170 दशलक्ष डोस मित्रराष्ट्रांना वितरित करणे या स्वरूपात भारत सरकारच्या कार्यात नौदलाने मौलिक योगदान दिले होते. हे प्रदर्शनाचे वैशिष्ट्य ठरले.