Panaji News: अनेक दिवसांच्या विलंबानंतर महापालिकेने पणजीत मासळी मार्केटच्या इमारतीचे पुनर्निर्माण सुरु करण्याचा निर्णय घेतला आहे आणि हे काम ८ नोव्हेंबर पर्यंत सुरु राहील. इमारतीचे पुनर्निर्माण सोयीस्कर व्हावे म्हणून काल (दि. 9 ऑक्टोबर) रोजी CCP आयुक्त क्लेन मडेइरा यांनी मच्छी विक्रेत्यांना पणजी महापालिकेच्या बाजारातून हटवून जुन्या बाजारात विक्री सुरु ठेवण्याचे आदेश दिले आहेत.

इमारतीच्या पुनर्निर्माण प्रक्रियित कोणताही विलंब होऊ नये, किंवा हे काम सुरळीतपणे पार पडावे म्हणून बाजारातील मच्छी विक्रेत्यांना जागा रिकामी करण्याचे आदेश देण्यात आलेत, मात्र काल रात्री अचानक बजावलेल्या या आदेशामुळे महापालिकेच्या बाजारात विक्री करणाऱ्या मच्छी विक्रेत्यांना केवळ 24 तासांच्या अवधीमध्ये स्थलांतराचा निर्णय घ्यावा लागला.

महापालिकेच्या बाजारातील हे मच्छी विक्रेते आज (दि. 10 ऑक्टोबर) पर्यंत जागा रिकामी करून देऊ शकतात मात्र असे न झाल्यास कोणत्याही नोटीसशिवाय त्यांची दुकानं हटवण्यात येतील. या बाजाराच्या बाजूलाच ख्रिस्ती धर्मियांचे एक चॅपेल आहे, आणि पुनर्निर्माणाच्या कामामुळे चॅपल नष्ट होऊ नये अशी इच्छा स्थानिक व्यक्त करतायत.