पणजी शहरात चोरीच्या प्रकरणांची दिवसेंदिवस अधिकाधिक नोंद होताना दिसत आहे. यामुळे पोलिसांच्या कर्तुत्वावर प्रश्न चिन्ह उपस्थित होताना दिसत आहे. अशातच आज दुचाकी चोरी करणाऱ्या एका तरुणाला पोलिसांनी ताब्यात घेतले आहे. तर दुसरीकडे सुमारे 98 हजार रुपयांचे सोने खरेदी करून आर्थिक फसवणूक केल्याप्रकरणी पणजी पोलिसांनी एस. रामकृष्णन अय्यर याला अटक केली आहे.

आरोपी एस. रामकृष्णन अय्यर हा मूळचा बिलासपूर-छत्तीसगडचा रहिवासी आहे. त्याला आर्थिक फसवणूक केल्याप्रकरणी पणजी (Panaji) पोलिसांनी अटक केली आहे. फसवणुकीची माहिती पोलिसांना संबंधित दुकानदाराने दिली होती. यानंतर पोलिसांनी (police) तपासाची यंत्रणा हलवली आणि आरोपीला बेड्या ठोकल्या.