पणजी: पणजी महापालिकेचा निवडणूक कार्यक्रम जाहीर होण्यापूर्वीच मंत्री बाबूश मोन्सेरात यांनी नेतृत्वाखालील ‘टुगेदर फॉर ए प्रोग्रेसिव्ह पणजी’ या पॅनलचे ३० उमेदवार निश्‍चित झाले आहेत. या यादीवर भाजपने शिक्कामोर्तब केले असले, तरी ती अधिकृतरित्या जाहीर होणे बाकी आहे. सूत्रांनी दिलेल्या माहितीनुसार, या निवडणुकीसाठी पॅनलतर्फे ३० पैकी १४ प्रभागांत बदल केले असले तरी त्याठिकाणी ७ नव्या चेहऱ्यांना संधी दिली आहे.

पणजी महापालिका निवडणुकीसाठी मंत्री बाबूश मोन्सेरात यांनी नेतृत्वाखालील ‘टुगेदर फॉर ए प्रोग्रेसिव्ह पणजी’ या पॅनलचे ३० उमेदवार निश्‍चित करण्यात आले आहेत. तर विरोधी गटातील उत्पल पर्रीकर, दत्तप्रसाद नाईक यांच्या पॅनलचे उमेदवार केव्हा जाहीर होणार, याकडे आता सर्वांचे लक्ष लागले आहे.

बाबूश मोन्सेरात महापालिकेत पुन्हा सत्ता आणण्यासाठी सरसावले आहेत. त्यांनी यापूर्वी प्रसारमाध्यमांना ३० पैकी ३० जागा निवडून आणणार असल्याचे सांगितले आहे. ५० टक्के नवे चेहरे असतील, असे त्यांनी जाहीर केले होते. सूत्रांनी दिलेल्या माहितीनुसार, त्यात सातच नव्या चेहऱ्यांना संधी मिळाल्याचे स्पष्ट झाले. ज्या जुन्या चेहऱ्यांना संधी दिली, त्यात मार्गारिडा फर्नांडिस, कबीर पिंटो माखिजा, मिलिंद शिरोडकर, किशोर शास्त्री आणि रूपेश हळर्णकर यांचा समावेश असल्याचे कळते.

रिंगणातील नव्या चेहऱ्यांचा विचार केला तर पणजी भाजप मंडळाचे माजी अध्यक्ष संजीव देसाई यांना उमेदवारीची बक्षिसी मिळाली आहे. भाजप सदस्य नोंदणी करण्यात त्यांनी मोठी कामगिरी बजावल्याने त्यांना प्रभाग क्रमांक ७ मधून उमेदवारी दिल्याचे सांगितले जाते. शिवाय प्रभाग १ मध्ये महिला राखीव असल्याने युतिका जांबावलीकर यांना उमेदवारी दिली आहे.

याशिवाय करिना शिरोडकर, प्रज्योत वायंगणकर, तुकाराम चिनानवार, विद्या गडकर, ज्योती मोरजकर आणि कीर्ती शिरोडकर यांचा समावेश आहे. उर्वरित १७ विद्यमान नगरसेवकांमध्ये रोहित मोन्सेरात, कॅरोलिना पो, बेंटो लॉरेन, प्रसाद आमोणकर, वर्षा शेट्ये, उदय मडकईकर, शायनी चोपडेकर, अस्मिता केरकर, डेनिस एडवर्ड जॉर्ज, शुभम चोपडेकर, मनीषा मणेरकर, दीक्षा माईणकर, करण पारेख, वसंत आगशीकर, विठ्ठल चोपडेकर, सँड्रा डिकुन्हा आणि सिल्वेस्टर फर्नांडिस यांचा समावेश आहे.

प्रभागनिहाय उमेदवारांची यादी

प्रभाग उमेदवारांचे नाव

१ युतिका जांबावलीकर

२ कॅरोलिना पो

३ मार्गारिडा फर्नांडिस

४ रोहित मोन्सेरात

५ किशोर शास्त्री

६ बेंटो लॉरेन

७ संजीव देसाई

८ करिना शिरोडकर

९ कबीर पिंटो माखिजा

१० प्रसाद आमोणकर

११ तुकाराम चिनानवर

१२ वर्षा शेट्ये

१३ उदय मडकईकर

१४ प्रज्योत वायंगणकर

१५ शायनी चोपडेकर

१६ अस्मिता केरकर

१७ डेनिस एडवर्ड जॉर्ज

१८ मिलिंद शिरोडकर

१९ ज्योती मोरजकर

२० शुभम चोपडेकर

२१ मनीषा मणेरकर

२२ दीक्षा माईणकर

२३ विद्या गडकर

२४ करण पारेख

२५ कीर्ती साखळकर

२६ वसंत आगशीकर

२७ विठ्ठल चोपडेकर

२८ रूपेश हळर्णकर

२९ सँड्रा दा कुन्हा

३० सिल्वेस्टर फर्नांडिस

‘आमचे उमेदवार योग्यवेळी जाहीर करू’

आम्ही आमच्या पॅनलचे उमेदवार योग्यवेळी जाहीर करू. आम्ही पूर्ण तयारी केली आहे. पणजीच्या आमदारांनी ५० टक्के नवे चेहरे देणार, असे सांगितले होते; पण त्यांनी निवडलेल्या उमेदवारांमध्ये किती नवे चेहरे आहेत, हे पाहिल्यानंतर कळते. अशी प्रतिक्रिया उत्पल पर्रीकर यांनी व्यक्त केली.