IIT Chennai to Keep An Eye On 'Atal Setu' Repair: अटल सेतूच्या दुरुस्तीकामाच्या दर्जाविषयी वारंवार प्रश्‍न उपस्थित होत आहेत.

आता या प्रश्‍नाचे मूळ शोधून काढण्याचे काम गोवा राज्य साधन सुविधा विकास महामंडळाने (जीएसआयडीसी) आयआयटी, चेन्नईला यावर लक्ष ठेवण्यास सांगितले आहे.

अटल सेतू ३.१ किमी. अंतराचा पूल असून, जीएसआयडीसीने फोंडा ते पणजी मार्गावरील पुलावरील काही ठिकाणच्या पृष्ठभागासाठी वापरलेल्या साहित्याचे नमुने तपासणीसाठी आयआयटी चेन्नईला दिलेले आहेत.

केंद्रीय परिवहन खात्याने जीएसआयडीसीला पुलाच्या पृष्ठभागाची दुरुस्ती करण्यासाठी चार पर्याय सूचविले होते.

त्यानुसार पारंपरिक पद्धतीने डांबराचा थर घालण्याचे निश्‍चित केले आहे. मुख्यमंत्री सावंत यांनी नुकतीच या पुलाची पाहणी करून फोंड्यावरून पणजीला येणारा मार्ग खुला केला होता.

राज्य सरकारने ५८१ कोटी रुपये खर्चून या पुलाची उभारणी केली, पण पुलावरील पडणाऱ्या खडड्यांवर उपाययोजनेत अपयश आले. त्यासाठीच जीएसआयडीसी आयआयटी चेन्नईची मदत घेऊ लागले आहे