Disabled Girl Death: जुने गोवा येथील सेंट झेविअर अकादमी प्रशिक्षण केंद्रात 7 वर्षीय दिव्यांग मुलीच्या मृत्यूप्रकरणात संशयित असलेल्या धर्मगुरु आणि नन यांना पणजी जिल्हा सत्र न्यायालयाने निर्दोष जाहीर केले आहे.

या फेब्रुवारीमध्ये प्रशिक्षण केंद्रात 7 वर्षीय मुलीचा गरम पाण्याच्या बादलीत पडून मृत्यू झाला होता. धर्मगुरु आणि नन यांच्या निष्काळजीपणामुळेच ही घटना घडली असल्याचा आरोप करण्यात आला होता.

याप्रकरणी दोघांवरही भादंसं कलम 304 ए, दिव्यांग कायदा 2016, बाल न्याय कायदा 75 अंतर्गत गुन्हा दाखल करण्यात आला होता. याप्रकरणी प्रशिक्षण केंद्रातील इतर लोकांच्या जबान्या नोंदवण्यात आल्या होत्या.

माहितीनुसार, ननने केंद्रातील 11 जणांना अंघोळीसाठी रांगेत उभे केले होते. त्यानंतर नन पाणी आणण्यासाठी गेली असता रांगेत उभ्या असलेल्या एकाने मुलीला पाण्यात ढककले असल्याचे बोलले जात आहे.

दरम्यान धर्मगुरु आणि नन यांच्याविरोधात ठोस पुरावा नसल्याने दोघांनाही पणजी जिल्हा सत्र न्यायालयाने दोषमुक्त जाहीर केले आहे.