Boxer Pushpendra Rathi get bail: राष्ट्रीय पदक विजेता बॉक्सर आणि बलात्कार प्रकरणातील संशयित पुष्पेंदर राठी (22) याला जामिन मंजूर झाला आहे. लग्नाचे आमिष दाखवून एका तरूणीवर लैंगिक अत्याचार केल्याप्रकरणी त्याला दोन दिवसांपुर्वीच अटक करण्यात आली होती.
या प्रकरणात पोलिस त्याची चौकशी करत होते. दरम्यान, आज, बुधवारी पणजी जिल्हा आणि सत्र न्यायालयाने त्याला जामिन मंजूर केला. लैंगिक अत्याचार प्रकरणात त्याला सात दिवसांची पोलिस कोठडी देण्यात आली होती. पोलिसांनी त्याच्याविरोधात बलात्कार आणि फसवणुकीचा गुन्हा दाखल केला आहे.
तो मूळचा हरियाणाचा आहे पण तो गोव्याचे प्रतिनिधीत्व करत होता. तक्रारदार तरुणीदेखील बॉक्सर आहे. पीडीतेशी जवळीक करून पुष्पेंदर याने मैत्री वाढविली. तिला लग्नाच्या भूलथापा देऊन ऑक्टोबर 2021 ते मार्च 2023 याकाळात हॉटेलात नेऊन लैंगिक अत्याचार केले होते. लग्नाचा विषय काढताच त्याने पीडीतेला झिडकारले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.