दुर्धर आजारांनी ग्रासलेल्या रूग्णांसाठी दक्षिण गोवा जिल्हा रूग्णालयात खास सेवा सुरू करण्यात आली आहे. दिर्घ काळापासून विविध आजारातून जात असलेल्या रूग्णांना आता या जिल्हा रूग्णालयात सेवा आणि सुश्रुषा पुरविली जाणार आहे. यासाठी सिप्ला फाऊंडेशनसोबत दक्षिण गोवा जिल्हा रूग्णालयात (South Goa District Hospital) समर्पित 'पॅलिएटिव्ह केअर सर्व्हिस' सुरू करण्यात आली आहे. राज्याचे आरोग्यमंत्री विश्वजीत राणे (Health Minister Vishwajit Rane) यांनी याबाबत माहिती दिली आहे.

(palliative care service at South Goa District Hospital)

'पॅलिएटिव्ह केअर सर्व्हिस'चा उद्देश

रूग्णांना होणारा त्रास आणि आजारांच्या लक्षणांपासून आराम देणे

वैद्यकिय तज्ञांच्या मदतीने रूग्णांच्या उपचारात सातत्य ठेवणे

रूग्ण आणि त्याच्या कुटुंबियांना आजार आणि त्यासंबधी रूग्णाची काळजी कशी घ्यावी याची माहिती देणे

रूग्ण आणि त्याच्या कुटुंबियांचे समुपदेशन करून त्यांना आधार देणे

आजारासंबधित इतर सहाय्यता पुरवणे

'पॅलिएटिव्ह केअर सर्व्हिस' (palliative care service) सोमवार ते शनिवारी सकाळी 10 to रात्री 12 या वेळेत सुरू राहणार आहे. विशेष बाब म्हणजे रूग्णालयात यायला सक्षम नसलेल्या रूग्णांना घरी देखील ही सेवा पुरवली जाणार आहे. यासाठी हा रूग्ण रूग्णालयासोबत नोंदणीकृत असणे आवश्यक आहे. 'पॅलिएटिव्ह केअर सर्व्हिस'बाबत अधिक माहितीसाठी 9518735280 या क्रमांकावर संपर्क साधता येईल.