पणजी, वेर्णा येथील सिप्ला कंपनीत गुदमरून दोन कामगार मरण पावले. या अपघाताची चौकशी करण्याचे आदेश सरकारने दिल्याची माहिती मुख्यमंत्री डॉ. प्रमोद सावंत यांनी आज विधानसभेत दिली.
फातोर्ड्याचे आमदार विजय सरदेसाई यांनी हरकतीच्या मुद्याच्या आधारे हा विषय उपस्थित केला होता. मरण पावलेले कुठलेही असोत; पण त्यांच्या मृत्यूची जबाबदारी कंपनीला घ्यायला लावली पाहिजे, असे ते म्हणाले.
त्यावर मुख्यमंत्री म्हणाले, कारखाना व बाष्पक खाते, कामगार खाते, पोलिस या प्रकरणाचा तपास करणार आहेत.
मरण पावलेल्यांना नियमानुसार सारी भरपाई मिळेल याची काळजी सरकार घेईल. असे प्रकार घडू नयेत यासाठी सर्व कारखान्यांची फेरतपासणी करण्यास कारखाना व बाष्पक निरीक्षकांना सांगितले आहे. याप्रकरणी नेमके काय झाले याची माहिती अहवाल मिळाल्यावर समजेल. कंपनी सिप्ला असो किंवा अन्य कोणी, त्यांना याप्रकरणी कोणतीही सूट दिली जाणार नाही.
वेर्णा येथील आयडीसी सिप्ला युनिट दोनमधील ब्रिकेट बॉयलर प्लांटमध्ये क्रशर (मशीन) दुरुस्त करण्यासाठी लिफ्टच्या खड्ड्यात उतरलेल्या दोन कामगारांचा मृत्यू झाला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.