राहुल गांधीनी कर्नाटकमध्ये प्रचारादरम्यान राहुल गांधींनी मोदी आडनावावरुन टीका केली होती. राहुल गांधी यांच्याविरोधात मानहानीचा खटला दाखल करण्यात आला होता.

त्यानंतर काल (23 मार्च) त्यासंदर्भात सूरतच्या जिल्हा न्यायालयात सुनावणी झाली. सुनावणी दरम्यान राहुल गांधींना दोषी ठरवण्यात आले.

त्यानंतर आज लोकसभा अध्यक्षांनी राहुल गांधी यांची खासदारकी रद्द करण्याची कारवाई केलीय. या कारवाईमुळे काँग्रेसच्या गोटात एकाच खळबळ माजली आहे.

राहुल गांधी यांची खासदारी रद्द झाल्यानंतर देशभरात काँग्रेस नेत्यांनी आणि कार्यकर्त्यांनी आंदोलनास सुरुवात केली आहे. तसेच इतर विरोधीपक्षातील नेत्यांनीही भाजपवर निशाणा साधला आहे.

देशभरात काँगेसने जशी आंदोलने सुरु केली असताना गोव्यात देखील काँग्रेसने पत्रकार परिषद घेत हल्लाबोल केलाय. विरोधी पक्षनेते युरी आलेमाओ यांनी भाजपवर आगपाखड केलीय.

ते म्हणाले "लोकशाहीसाठी आजचा हा काळा दिवस आहे, राहुल गांधींनी भाजप आणि अदानींचा पर्दाफाश केल्यानेच भाजप सरकार खवळले आहे. या सरकारच्या मुजोरीच्या विरोधात सर्व विरोधी पक्ष आता एकवटले असून आता देशभर काँग्रेस निदर्शन करणार"

खासदारकी रद्द झाल्यानंतर राहुल गांधी यांनी पहिली प्रतिक्रिया दिली आहे. राहुल गांधी यांनी ट्वीट करत आपली बाजू मांडली असून लढण्याची तयारी दर्शवली आहे.

भारतासाठी लढत आहे, त्यासाठी कोणताही किंमत चुकवण्यास तयार असल्याचे राहुल गांधी यांनी आपल्या ट्वीटमध्ये म्हटले आहे. राहुल गांधी यांची खासदारी रद्द झाल्यानंतर देशभरात काँग्रेस नेत्यांनी आणि कार्यकर्त्यांनी आंदोलनास सुरुवात केली आहे.

दरम्यान राहुल गांधी (Rahul Gandhi) यांची खासदारकी रद्द झाल्यानंतर आता देशभर काँग्रेस कार्यकर्ते आक्रमक झाल्याचं पहायला मिळतंय.