Goa Crime: सिकेरी येथील हेलिपॅडवर आज (बुधवारी) एक धक्कादायक घटना घडली आहे. कांदोळी येथील एका रिसॉर्टच्या मॅनेजरने आर्थिक व्यवहारातून एका व्यक्तीच्या गळ्यावर वार केला. सतीशकुमार रेड्डी असे त्या मॅनेजरचे नाव असून हल्ल्यात गंभीर जखमी झालेल्या व्यक्तीचे नाव अमित धवन असे आहे.

अमित धवन यांना उपचारासाठी गोवा मेडिकल कॉलेजमध्ये दाखल करण्यात आले आहे. कळंगुट पोलिसांना या घटनेची माहिती मिळताच त्यांनी तासाभरात तपासाची चक्रे फिरवली. पोलिसांनी पाठलाग करून शिताफीने हल्लेखोर रेड्ड याला पकडले. धवन यांच्यावर वार करून रिसॉर्टचा मॅनेजर रेड्डी (वय 45, हैदराबाद) हा पसार झाला होता. कळंगुट पोलिसांनी घटनास्थळावरून एक चारचाकीही जप्त केली आहे.