Rivona Death Case: रिवण येथील एका फार्ममध्‍ये सुधाकर नागवेकर (56) यांना उच्‍च दाबाचा विजेचा धक्का लागून त्यांचा दुर्दैवी मृत्‍यू झाला. वीज वाहिन्‍यांखाली एक व्‍यक्‍ती बेशुद्धावस्‍थेत पडली होती. त्यांना मडगावच्‍या सरकारी इस्‍पितळात आणले असता त्यांचा मृत्यू झाल्याची नोंद डॉक्‍टरांनी केली.

पोलिसांनी चौकशी केली, तेव्‍हा नागवेकर हे सुपारी काढत होते. सुपारी काढताना उच्‍च दाबाच्या वीजवाहिनीच्या संपर्कात आल्यामुळे ते खाली कोसळले. याप्रकरणी केपे पोलिसांनी पंचनामा केला.

उत्तरीय तपासणीसाठी मृतदेह शवागारात ठेवला असून अनैसर्गिक मृत्‍यू म्‍हणून फौजदारी आचार संहितेच्‍या 174 कलमाखाली या प्रकरणाची नाेंद पोलिसांनी केली आहे.