स्थापना दिनानिमित्त शुक्रवारी (ता.१९) बॅंक ऑफ इंडियाच्या पणजी येथील विभागीय कार्यालयात तसेच २० विविध शाखांमध्ये कार्यक्रम आयोजित करण्यात आले होते.

यावेळी विभागीय प्रमुख कुमार केशव आणि कर्मचाऱ्यांनी वृक्षारोपण केले. शनिवारी सकाळी वॉकथॉन स्पर्धाही झाली. बॅंकेतर्फे पंचायतीतील कामगारांना खाद्यपदार्थ, शालेय साहित्य, छत्री, रेनकोट अशा वस्तूंचे वाटपही करण्यात आले.

काही शाळांमध्ये वॉटर प्युरीफायर्सही बसविण्यात आले. ग्राहकांसाठी जागृती कार्यक्रमांचे आयोजन करण्यात आले. या सर्व कार्यक्रमांना चांगला प्रतिसाद लाभला.