राज्यातील पर्वरी आणि परिसरात उद्यापासून वीजपुरवठा केला जाणार नाही आहे. वीज खात्‍याला 11 केव्ही एनआयओ फिडरवर दुरूस्ती काम करावयाचे असल्याने वीजपुरवठा खंडीत केला जाणार आहे. संबंधित ग्राहकांनी याची नोंद घेऊन सहकार्य करावे, असे आवाहन वीज खात्यामार्फत करण्‍यात आले आहे.

शुक्रवार दि. 12 मे रोजी सकाळी 9.30 ते दुपारी 2.30 वाजेपर्यंत कदंब डेपो, एनआयओ कॉलनी, सॉमिल पटेल, टाटा मोटर्स, गोदाम आणि सभोवतालच्या भागात वीजपुरवठा केला जाणार नाही.

तसेच 11 केव्ही पर्वरी बाजार फिडरवरून दि. 12 मे रोजी सकाळी 9 ते दुपारी 1.30 वाजेपर्यंत वडाकडे, देवश्री गार्डन, कॉर्पोरेशन बँक, प्रायोरिटी, अल्कॉन ह्युंदाई, लिमावाडो, शांतीनगर, डॅमियन दी गोवा आणि सभोवतालच्या भागात वीज खंडित असेल.

शिवाय 11 केव्ही पुंडलिकनगर फिडरवरून दि. 12 मे रोजी दुपारी 2 ते संध्याकाळी 5.30 वाजेपर्यंत पत्रकार कॉलनी, साई सर्व्हिस, हॉटेल मॅजेस्टिक, दीपा नाईक डीटीसी, कुमेर बार डीटीसी, हायकोर्ट परिसर, हिरो शोरूम आणि आणि सभोवतालच्या भागात वीजपुरवठा केला जाणार नाही. संबंधित ग्राहकांनी याची नोंद घेऊन सहकार्य करावे, असे आवाहन करण्‍यात आले आहे.