गोवा (Goa Omicron Update): राज्यातील आणखी सहा नमुने ओमिक्रॉनसाठी पॉझिटिव्ह आले असून, एकूण रुग्णांची संख्या 11 झाली आहे. अशी माहिती आरोग्यमंत्री विश्वजित राणे यांनी ट्विट करून दिली आहे, या सहाही रुग्णांची पुष्टी नॅशनल इन्स्टिट्यूट ऑफ व्हायरोलॉजी (एनआयव्ही), पुणे यांनी केली आहे. सर्व सहाही युनायटेड किंगडम (यूके) मधील प्रवासी असून त्यांना कोणतीही लक्षणे नाही आहेत. (Goa Corona Latest News updates)

ओमिक्रॉन ह्या कोरोनाच्या (Corona) नव्या प्रकारामुळे संगळ्यांवरच संक्रमणाची टांगती तलवार होती. यातच गेल्या काही दिवसांमध्ये गोव्यात ओमिक्रॉनचा (Omicron Variant) पहिला रुग्ण आढळला होता. पण तो रुग्ण पूर्णपणे बरा झाला असल्याची माहिती समोर येत आहे.

ब्रिटनमधून 17 डिसेंबर रोजी गोव्यात (Omicron Case In Goa) दाखल झालेल्या 8 वर्षीय मुलाचे नमुने पुण्यातील प्रयोगशाळेत तपासणीसाठी पाठवण्यात आले होते. 27 डिसेंबर रोजी त्याचा अहवाल पॉझिटिव्ह (Omicron Positive) आला होता. त्यामुळे गोव्यात संक्रमण वाढणार की काय अशी भीती गोव्यातील नागरिकांना वाटत होती. त्यातच काल एकूण 6 नमुने ओमिक्रॉनसाठी पॉझिटिव्ह आले असून आता राज्यात चिंतेचे वातावरण आहे.