Olencio Simoes Slams Goa Government Over National Games Management

राष्ट्रीय क्रीडा स्पर्धांवरून कॉंग्रेसने सरकारवर चांगलाच निशाणा साधला आहे. स्पर्धांच्या नियोजनावरून ते खेळाडूंपर्यंत सरकारचे काम निकृष्ट असल्याचे मत विरोधी पक्षनेते व्यक्त करत आहेत. त्यातच महामार्गावर सायकलिंग स्पर्धेचे आयोजन केल्याबद्दल कुठ्ठाळी कॉंग्रेसचे ओलेन्सियो सिमॉइस यांनी क्रीडा विभागावर टीका केली आहे.

ते म्हणाले की, 37 व्या राष्ट्रीय खेळांसाठी सायकलिंग स्पर्धा सांकवाळ येथील व्यस्त महामार्गावर आयोजित करण्यात आली होती. खेळांसाठी सरकारकडे पुरेशा पायाभूत सुविधा नाहीत. एकतर राष्ट्रीय क्रीडा स्पर्धा गोव्यात होण्यासाठी 11 वर्षे लागलीत. त्यात आयोजन करण्यात आणि खेळाडूंना सुविधा पुरवण्यात सरकार अपयशी ठरले आहे.

सायकलिंगसाठी सरकारने राष्ट्रीय महामार्ग रोखला ज्यामुळे प्रवाशांची आणि वाहनचालकांची गैरसोय झाली. तसेच यामुळे मोठ्या प्रमाणात वाहतूक कोंडीही झाली.

पुढे सिमॉइस यांनी क्रीडा स्पर्धांच्या आयोजनाच्या खर्चावरूनही सरकारला टोला लगावला आहे.