शिवोली: भारतीय संविधानामुळे इतर मागासवर्गीयांना प्राप्त झालेले आरक्षण शिरसावंद्य आहे. पण भाजप सरकारच्या चालढकल वृत्तीमुळे यंदाच्या पंचायत निवडणुकीत ही संधी गमावण्याची वेळ स्थानिक ओबीसी समाजावर आलेली आहे.

(OBC reservation demand to be announced before elections OBC community demand)

परंतु कुठल्याही परिस्थितीत ओबीसी आरक्षण निवडणुकापुर्वी जाहीर करण्यात यावे, अन्यथा ओबीसी समाज पावसाळी अधिवेशन काळात मोठ्या प्रमाणात रस्त्यावर उतरेल, असा इशारा गोवा क्षत्रिय मराठा समाजाचे उपाध्यक्ष तथा ओशेल-शिवोलीचे माजी उपसरपंच मंगेश चोडणकर यांनी दिला आहे. (Goa Marathi News)

ओबीसी आरक्षणाची सोय कायद्यानुसार संमत झालेली असतानाही 2017 पासून राज्यातील भाजप सरकार या प्रश्नाकडे गांभीर्याने न पाहता केवळ वेळकाढू धोरण अवलंबित आहे. ओबीसी आरक्षणाखाली राज्यातील एकुण 19 जाती उद्धाराच्या प्रतीक्षेत आहेत. (OBC Reservation)

पंचायत निवडणुकांत सहभागी होण्याची मिळालेली प्रथमच संधी केवळ सरकारच्या नाकर्तेपणामुळे हुकत आहे, असा आरोपही चोडणकर यांनी केला. बहुसंख्येने असलेला इतर मागासवर्गीय समाज यामुळे दुखावला आहे. निवडणुकीपूर्वी ओबीसी आरक्षणाचा प्रश्न न सोडविल्यास अधिवेशन काळात रस्‍त्‍यावर उतरू, असा इशारा चोडणकर यांनी दिला आहे.