New Zuari Bridge: उत्तर गोवा आणि दक्षिण गोवा यांना जोडणाऱ्या नवीन झुआरी पुलाचे लोकार्पण 29 डिसेंबरला होणार आहे. या पुलाचे स्थापत्य, सौंदर्य सर्वसामान्यांना अनुभवता यावे आणि पुलावरून नदीदेखील न्याहाळता यावी यासाठी मुख्यमंत्री डॉ. प्रमोद सावंत यांनी हा पुल चार दिवसांसाठी रात्रीच्या वेळी सर्वसामान्यांना खुला केला होता. लोकांना पुल पाहावा, सेल्फी घ्यावा... असेही मुख्यमंत्री म्हटले होते. पण आता उद्या 28 डिसेंबर रोजी मात्र सर्वसामान्यांना ही संधी मिळणार नाही.

न्यू झुआरी पुल हा देशातील दुसऱ्या क्रमांकाचा केबलस्टेड पुल आहे. याची केवळ नंदीवरील लांबी 8.2 किलोमीटर इतकी आहे. हा पुल पाहायला हजारो गोमंतकीयांनी मोठी गर्दी केली होती. या गर्दीमुळे आणि लोकांच्या सेल्फीच्या आवडीमुळेच मंगळवारी पणजी, मडगाव परिसरात वाहतुकीची मोठी कोंडी झाल्याचा आरोप विरोधी पक्षातील नेत्यांनी राज्य सरकारवर केला होता.

या पुर्वी पुलाच्या लोकार्पणाची तारीख बदलण्यात आली होती. केंद्रीय वाहतूक मंत्री नितीन गडकरी यांच्या हस्ते या पुलाचे उद्घाटन करण्यात येणार आहे आणि गडकरी यांच्या वेळेसाठी पुलाच्या उद्घाटनाच्या तारखेत आणि वेळेत बदल करण्यात आला. 29 डिसेंबर रोजी होणार आहे.

त्यामुळे उद्घाटनासाठीची तयारी करण्याच्या उद्देशाने राज्य सरकारने आता उद्या 28 डिसेंबर रोजी हा पुल सर्वसामान्य गोमंतकीयांसाठी बंद केला आहे. त्यामुळे गोमंतकीयांना या पुलावर आता सेल्फीचा आनंद घेता येणार नाही. तथापि, लोकांनी उद्घाटन समारंभाला उपस्थित राहावे, असे आवाहन राज्य सरकारने केले आहे.