Pernem: पेडणे आणि मांद्रे या मतदारसंघांमध्ये उद्या, 5 मार्च रोजी पाणी पुरवठा होणार नाही. सार्वजनिक बांधकाम खात्याच्या कार्यकारी अभियंत्यांनी ही माहिती दिली आहे.

नियोजित कामासाठी 5 मार्च रोजी वीज पुरवठा खंडीत करण्याचा निर्णय वीज खात्याने घेतला आहे. वीज पुरवठा बंद असल्यामुळे चंदेल येथील 15 एमएलडी क्षमतेचा जल शुद्धीकरण केंद्र (वॉटर ट्रिटमेंट प्लँट) बंद राहणार आहे.

त्यामुळे पेडणे आणि मांद्रे येथे पाणी पुरवठा होणार नाही. शिवाय 6 मार्च ते 8 मार्च या काळातही या दोन्ही मतदारसंघात अपुरा पाणीपुरवठा असणार आहे, अशीही माहिती सार्वजनिक बांधकाम विभागाच्या कार्यकारी अभियंत्यांनी दिली आहे.