आज गोवा गुन्हे शाखेने 34 वर्षीय एका नायजेरियन नागरिकाला धारगळ येथे अंमली पदार्थ सापडल्याने अटक केली आहे. संशयास्पद हालचाली सुरु असता संशयिताची पोलीसांनी कसून चौकशी केली असता हा प्रकार उघड झाला आहे.

(Nigerian arrested with drugs worth Rs 6 lakh at Dhargal)

कुणाल ओपेमेय असे त्याचे नाव असून सध्या तो धारगळ येथे वास्तव्यास असल्याची माहिती समोर आली आहे. गोवा पोलीसांच्या गुन्हे अन्वेशन विभागाने पेडणे तालूक्यातील धारगळ येथे ही कारवाई केली. या कारवाईत अद्याप 6 लाख रुपयांचे कोकेन जप्त केले आहे. यानंतर पोलिसांनी आरोपीवर गुन्हा दाखल करत अटक केली आहे. कुणाल ओपेमेय असे आरोपीचे नाव असून त्याच्याकडे 61.23 ग्रॅम कोकेन आढळून आले.

नायजेरियन तरुणाला अटकची बातमी गोवेकरांसाठी नवीन नाही

अमली पदार्थासह नायजेरियन तरुणाला अटक केल्याची बातमी गोवेकरांसाठी नवीन नाही. ह्या कारावायांची वारंवारता इतकी आहे की, प्रत्येक आठवड्यातून एक दोन कारवाई ठरलेली आहे. तरी ही हे प्रकार संपूर्णपणे का थांबत नाहीत. हा प्रश्न आता गोवेकरांंना पडला आहे. कारण दरवेळी कारवाई होते. अन् पुन्हा कारवाई होते. मात्र हे प्रकार थांबतच नाहीत. ते सुरुच आहेत. याला थांबवणार कोण असा प्रश्न आता गोवेकरांना पडला आहे.