Pilerne : पिळर्ण येथे एका दिवसाचे स्त्री जातीचे अर्भक आढल्याची घटना घडली. ही घटना आज सायंकाळी सातच्या सुमारास उघडकीस आली. याबाबतची माहिती मिळताच पर्वरी पोलिसांनी घटनास्थळी धाव घेत हे स्त्री जातीचे अर्भक गोवा मेडिकल कॉलेज हॉस्पिटल मध्ये दाखल केले.

मिळालेल्या माहितीनुसार, पिळर्ण येथे मंगळवारी संध्याकाळी तेथील परिसरात राहणाऱ्या एका व्यक्तीला एका दिवसाचे स्त्री जातीचे अर्भक पांढऱ्या व निळ्या कपड्यात गुंडाळून ठेवलेले आढळून आले. या घटनेची माहिती त्यांनी पर्वरी पोलिसांना दिली.

पोलिसांनी घटनास्थळी धाव घेत हे स्त्री जातीचे अर्भक गोवा मेडिकल कॉलेज हॉस्पिटल मध्ये दाखल केले. एका दिवसाचे स्त्री जातीचे अर्भक कोणी अज्ञाताने सोडून गेल्याचा गुन्हा त्या व्यक्तीच्या तक्रारीनुसार नोंद झाला असून अज्ञात गुन्हेगाराचा शोध सुरु असल्याची माहिती पर्वरी Pilerneपोलीसांनी दिली.