रत्नागिरी: सिंधुदुर्गातील एका तरुणाने स्वप्नात मृतदेह दिसत असल्याचा दावा केला, खेड - रत्नागिरी पोलिसांत त्यांने माहिती दिल्यानंतर घटनास्थळी जाऊन पाहणी केली असता मृतदेह आढळून आला.
स्वप्नात दिसलेल्या मृतदेहाचे गूढ गेल्या काही दिवसांपासून उलघडत नसताना आता या प्रकरणात नवा ट्विस्ट समोर आला आहे.
योगेश आर्या याने खेड पोलिसांत जात त्याला स्वप्नात मृतदेह दिसत असल्याचा दावा केला. मुंबई गोवा महामार्गाजवळील भोस्ते घाटात जंगल परिसरात मृतदेह असल्याचे त्याने पोलिसांना सांगितले. पोलिसांनी तरुणाच्या दाव्यावर विश्वास ठेवत घटनास्थळी जाऊन पाहणी केली. या ठिकाणी पुरुषाचा कुजलेल्या अवस्थेतील एक मृतदेह आणि कवटी आढळून आली.
स्वप्नातील दावा खरा ठरल्याने या प्रकरणाचे गूढ वाढले. तसेच, ही आत्महत्या आहे की घातपात याबाबत देखील संभ्रम उपस्थित करण्यात आले. पोलिसांनी मृतदेहाचे नमुने तपासणीसाठी मिरज येथे पाठवण्यात आले आहेत.
घटनेचे गूढ उलघडत नसल्याने खेड पोलिसांनी योगेश आर्या याची कसून चोकशी करण्यास सुरुवात केली. चौकशीत योगेशने महत्वाचा खुलासा केला आहे.
योगेश आर्या हा मूळचा बिहारचा रहिवाशी असून तो सिंधुदुर्ग येथे वास्तव्यास आहे. गेल्या १० सप्टेंबरपासून तो खेड परिसरात एकटाच फिरत आहे. गेल्या काही दिवसांपासून तो भोस्ते घाटातील जंगल परिसरासह या भागात वावरत होता. त्यामुळे एवढे दिवस तो या भागात काय करत होता? असा सवाल उपस्थित केला जात आहे.
दरम्यान, योगेश आर्याने सावंतवाडीसह गोव्यात देखील विविध ठिकाणी नोकरी केली आहे. बरेच दिवस तो खेड तालुक्यात फिरत होता. त्याचे मानसिक स्वास्थ बिघडल्यासारखे असल्याचे पोलिसांनी म्हटले आहे.
जंगलात सापडलेल्या मृतदेहाची अद्याप ओळख पटलेली नाही. तरी कुजलेल्या अवस्थेत सापडलेला हा मृतदेह तीन महिन्यापूर्वीचा असल्याचा अंदाज व्यक्त केला जात आहे. तसेच, पोलिस सावंतवाडी ते गोव्यातून बेपत्ता झालेल्या नागरिकांची माहिती देखील घेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.