New Bridge Will Be Constructed At Morlem Bagwada: गोवा मुक्ती नंतर ते आजतागायत मोर्ले बागवाडा या ठिकाणी असलेल्या अरुंद पुलामुळे ग्रामस्थांना मोठ्या प्रमाणात अडचणी निर्माण झाल्या होत्या. सदर पुलाच्या जागी नवीन रुंद पुलाची उभारणी करावी अशी ग्रामस्थांची मागणी होती. या मागणीला अखेर पंधरा वर्षांनंतर यश आले आहे.

आमदार डाॅ. दिव्या राणे व आरोग्यमंत्री विश्वजित राणे यांच्या प्रयत्नामुळे या पुलाला अखेर मंजुरी मिळाली आहे. सुमारे 13 कोटी रुपये खर्च करुन हा नविन पुल बांधण्यात येणार आहे.

मोर्ले बागवाडा या ठिकाणी हा पूल आहे. हा पुल अत्यंत कमकुवत झाला होता. बागवाड्यावर जाणाऱ्यासाठी हा अरुंद पुल असल्याने येथून पायी व दुचाकीनेच प्रवास करावा लागतो.

चारचाकी वाहनांना 7 किलो मीटर अंतर काढून जावे लागते. हा नवीन पुल झाला तर अवघ्या अर्धा किलोमीटर अंतरच गाठावे लागले.

श्रावण महिन्यातच नवीन पुलाच्या कामाची पायाभरणी करण्यात येणार आहे. या पुलासाठी मुख्यमंत्री प्रमोद सावंत व बांधकाममंत्री निलेश काब्राल यांचे विशेष योगदान आहे.

या पुलाचा फायदा सुमारे 3 हजार नागरिकांना होणार असुन केरी, घोटेली, धनगरवाडा व इतर गावांना दोन पंचायतीमधील अंतर कमी होणार आहे.