चक्रीवादळाच्या आपत्कालीन प्रसंगांचा सामना करण्याबाबत सराव कवायतींचे (सुरक्षा कवच) आयोजन आज उत्तर आणि दक्षिण गोव्यात गोवा राज्य आपत्कालीन व्यवस्थापन यंत्रणेतर्फे करण्यात आले आहे.

संभाव्य चक्रीवादळ आपत्कालीन प्रसंगांचा सामना करण्याच्या तयारीचा स्तर अधिक कार्यक्षम करण्याचा या कवायतींचा मुख्य उद्देश आहे.

कोलवा समुद्रकिनारी करण्यात आलेल्या बचावकार्याचे दृष्य

यावेळी विशिष्ट सराव प्रसंगांची निर्मिती करण्यात आली होती.

एनडीआरएफतर्फे या भागांमध्ये शोधमोहीम व साहाय्‍यता करण्यात आली.

वैद्यकीय विभाग देखील या मॉक ड्रिलमध्ये सहभागी झाले होते.

सुटका केलेल्या व जखमी झालेल्यांना दक्षिण गोवा जिल्हा इस्पितळ, ईएसआय इस्पितळ येथे व उत्तरेत मणिपाल व गोमेकॉ या इस्पितळांमध्ये नेण्यात आले.

संकटग्रस्तांसाठी निवारागृह म्हणून उत्तर गोव्यातील गोवा विद्यापीठाचा मुख्य ज्युबिली हॉल प्रमुख क्षेत्र म्हणून वापर करण्यात आला.

गोव्यात होणारी आगामी जी-२० परिषद लक्षात घेऊन संपूर्ण राज्याची सुरक्षितता आणि सुरक्षा यासाठी या कवायती करण्यात आल्या.

कोलवा येथील विद्यापीठात केलेल्या बचावकार्याची क्षणचित्रे

नागरिकांनी चिंता करू नये किंवा घाबरूनही जाऊ नये आणि या गोष्टी निव्वळ चक्रीवादळासाठीच्या सराव कवायती असल्याचे प्रशासनाने म्हटले आहे.