बनावट सोने गहाण ठेवून वेगवेगळ्या व्यक्तींच्या नावे कर्ज मिळवून राष्ट्रीयीकृत बँकेची फसवणूक केल्याप्रकरणी गोवा पोलिसांच्या आर्थिक गुन्हे शाखेने हेमंत रायकर, सोनार आणि गुंडू केळवेकर यांना अटक केली आहे.

(Nationalized bank defrauded by pledging fake gold in Goa)

राज्यात चोरीचे तसेच फसवणूकीची प्रकरणात मोठ्या प्रमाणात वाढ होत आहे. काही दिवसांपूर्वी आर्थिक फसवणूक प्रकरणात मडगावातून पीएफआय कार्यकर्ता अटक करण्यात आली होती. पैसे दुप्पट करून देण्याचे आमिष दाखवून कित्येकांना लाखो रुपयांचा गंडा घालण्याचा आरोप असलेल्या फातोर्डा येथील जलीश जेलानी या पीएफआय कार्यकर्त्याला पोलिसांनी अटक केली होती. पोलीस आणखी एका संशयिताच्या मागावर आहेत मात्र या कारवाईचा सुगावा लागल्या नंतर तो भूमिगत झाला असल्याची माहिती प्राप्त झाली आहे.

आर्थिक फसवणूक प्रकरणात मडगावातून पीएफआय कार्यकर्ता अटकेत

जैलानी याच्या विरोधात रईस खान नावाच्या व्यक्तीने आपल्याला 5 लाखांचा गंडा घातल्याची तक्रार फातोर्डा पोलिसांत दिली. त्यानुसार आज मंगळवारी दुपारी ही कारवाई करण्यात आली. जैलानी याचे फातोर्डा येथे एक कार्यालय असून याच कर्यालयात हा पैशांचा व्यवहार झाल्याचे सांगण्यात येते. एकूण पाच जण भागीदारीत हे फर्म चालवीत होते अशी माहिती प्राप्त झाली. पोलीस पुढील तपास करत आहेत.