National Book Week : साखळी आज डिजिटल माध्यमांच्या अतिक्रमणात विद्यार्थी पुस्तक वाचनापासून दूर जात आहे. परंतु आमची भाषा सुधारण्यासाठी व स्मरणशक्ती तल्लख बनविण्यासाठी वाचन हे आवश्यक आहे, असे पद्मिनी फाउंडेशनच्या अध्यक्षा सुलक्षणा सावंत यांनी सांगितले.

साखळी येथील सरकारी नगर वाचनालयात राष्ट्रीय पुस्तक सप्ताहाचे नुकतेच उद्‍घाटन झाले. यावेळी केंद्रीय वाचनालयाच्या ग्रंथपाल सुलक्षा कोळमुळे, गजानन शेट्ये, साखळी वाचनालयाचे प्रमुख ब्रिजेश चणेकर यांची उपस्थिती होती.

यावेळी वाचनालयातर्फे घेण्यात आलेल्या पुस्तक वाचन स्पर्धेत पहिले बक्षीस श्रीरंग ताम्हणकर (के. ब. हेडगेवार विद्यामंदिर साखळी), दुसरे बक्षीस अक्षरा कुंभारजुवेकर (सेंट जॉन हायस्कूल साखळी) तर तिसरे बक्षीस वैष्णवी मराठे (गुरुदास गावस स्मृती हायस्कूल साखळी) यांना प्राप्त झाले.

सामान्य ज्ञान स्पर्धेत प्रथम बक्षीस प्रोग्रेस हायस्कूल साखळी, दुसरे सेंट जॉन हायस्कूल साखळी व तिसरे के. बी. हेडगेवार विद्यामंदिर साखळी यांना तर उत्तेजनार्थ गोपाळकृष्ण हायस्कूल साखळी, गुरुदास गावस स्मृती हायस्कूल साखळी, महालक्ष्मी हायस्कूल कुडणे यांना बक्षीसे प्राप्त झाली. स्वागत ग्रंथपाल सुलक्षा कोळमुळे यांनी स्वागत केले.