फातोर्डा: सम्राट क्लब, मडगाव (Saamrat Club, Margao), अंतर्नाद क्रिएशन्स (Antarnad Creation) व पलाश अग्नी स्टु़डीओने (Palash Agni Studio) आयोजित केलेल्या 'गीत जन्मताना' (Geet Janmtana) या गीत लेखन ते संगीतबद्धता पर्यंतचा प्रवास, या ऑनलाईन कार्यशाळेचे (Online Music Workshop) उद्घाटन प्रसिद्ध संगीतकार अशोक पत्की (Musicion Ashok Patki) यांच्या हस्ते करण्यात आले. पहिल्या दिवशी डॉ. राजय पवार व साईश पाणंदीकर यानी गीत लेखनाबद्दलचे प्रकार (Types of Song writting), अनुभव उदाहरणासह कथन केले. हा एक आगळा वेगळा उपक्रम सर्वार्थाने उपयुक्त असल्याचे पत्की यांनी आपल्या भाषणात सांगितले. कोरोना महामारीत सुद्धा कलाकरांनी वेगवेगळ्या मार्गाने, पद्धतीने लोकांचे मनोरंजन केले असेही संगीतकार पत्की म्हणाले. (Music Workshop)

कविता लिहिताना आपल्या मनातले विचार, स्वतःचे मनोगत आपण शब्दांत चित्रीत करतो. तेव्हा या कवितेचे सुंदर गाण्यात रूपांतर होईल अशी कल्पना नसते. पण गीत लिहिताना गीताच्या वेगवेगळ्या प्रकारांचा उदाहरणार्थ अभंग, भजन, गझल, नंतर मुक्तछंद, छंदमुक्त याचा विचार करावा लागतो. गीत रचताना यमक जुळते का ते बघावे लागते, असे डॉ, राजय पवार (Dr. Rajay Pawar) यांनी सांगितले. शिवाय गीत लिहिताना ते मुलांसाठी किंवा प्रेमगीत, भावगीत, भक्ती गीत त्यानुसार मनातले बोल पक्के व्हावे लागतात व नंतर शब्दांतुन लिहावे लागतात असेही पवार यांनी सांगितले.शिवाय कविता किंवा गीत लिहिताना शब्दांचे भांडार स्वतःकडे असणे आवश्यक असते. साईश पाणंदीकर (Saish Panandikar) यांनी सांगितले की सिनेगीत लिहिणे कठीणच असते. कारण ते लिहिताना सिनेमाचे कथानक, प्रसंग, त्या वेळची पात्रांची भावना हे सर्व लक्षात ठेवुनच गीत लिहावे लागते. शिवाय एकदा गाणे लिहिले की नंतर संगीतकाराच्या सांगण्यानुसार कधी कधी बदलही करावा लागतो. कारण संगीतबद्ध करताना संगीतकाराला मात्रा, ठेका, राग याच्या आधारेच ते गीत संगीतबद्ध करावे लागते असे पाणंदीकर यांनी मार्गदर्शन केले.