Panaji: महापालिकेने गणेशोत्सवासाठी भरविलेली अष्टमीची फेरीची मुदत संपली असल्याने काही व्यवसायिकांनी आपली दुकानांची आवराआवर केली आहे. तर काही जण उद्या रविवार सुटी असल्याने लोक खरेदीसाठी येतील, या आशेवर आहेत. त्यांनी आपली दुकाने तशीच थाटलेली आहेत. तसेच काही लोक खरेदीसाठी मांडवीच्या किनाऱ्याकडे वळत होते.

दुकानांची आवराआवर करताना खरेदी करण्यात अनेक ग्राहकांना आनंद असतो. अनेक दुकानदार उगाच ओझे नेण्यापेक्षा खरेदीची किंवा कमी नफा मिळाला तरी जालेल या भावाने वस्तू विकतात. त्याचाच विचार करून अनेकजण फेरीकडे येताना दिसत होते. शाळांनाही सुटी असल्याने कुटुंबाबरोबर येणाऱ्यांची संख्या काही कमी नव्हती. भाऊसाहेब बांदोडकर मार्गावर एका बाजूला चारचाकी वाहनांच्या उभ्या राहणारी वाहने त्याचीच साक्ष देत होती.

अर्जाच्या काळाबाजारामुळे उशीरा सुरू झालेल्या फेरीची मुदतही महापालिकेने दुकानदारांना वाढवून दिली. त्यामुळे चतुर्थीपूर्वीनंतर किनाऱ्यावर जत्रा भरल्यासारखा भास होत होता. कपड्यांची वेगवेगल्या ठिकाणी उभारणी आणि मध्येच लाकडी साहित्याची दुकाने थाटली गेल्याने अनेकजण अर्धी फेरीच फिरून साहित्य खरेदी करीत होते.

* यंदा नियोजनाचा चांगला अभाव-

महापालिकेला या फेरीतून दुकान भाड्यातून लाखो रुपयांचा महसूल मिळतो. परंतु यावेळी नियोजनाचा अभावा दिसून आल्याने अर्ज विक्री चतुर्थीच्या तोंडावर करावी लागली आणि अर्जांचा काळाबाजार होत असल्याचा प्रकार घडला. त्यावर आता या प्रकाराची महापालिका आयुक्तांनी चौकशी सुरू केली आहे.