पावसाळा सुरु झाल्यानंतर मुंबई - गोवा महामार्गावर भूस्खलन, रस्ता खचणे किंवा खड्डे निर्माण होण्याची समस्या उद्भवत असते. शनिवारी सायंकाळी भूस्खलनामुळे बंद झालेला मुंबई - गोवा महामार्ग बारा तासानंतर रविवारी सकाळी सुरु झाला. बारा तास या महामार्गावर वाहनांच्या लांबच लांब रांगा पाहायला मिळाल्या. रायगड जिल्ह्यातील महाड येथे भूस्खलन झाल्याची घटना समोर आली.
मिळालेल्या माहितीनुसार, शनिवारी (दि.08) सायंकाळी सहा वाजता महाड येथे भूस्खलन झाले. सततच्या मुसळधार पावासामुळे महामार्गाशेजारील भूसभुशीत झालेली माती महामार्गावर आली. यामुळे मार्ग बंद झाला.
मातीचा ढीग बाजुला करेपर्यंत महामार्ग बंद ठेवण्यात आला. सुमारे बारा तास हा मार्ग बंद होता. अखेर बारा तासानंतर रविवारी (दि.09) सकाळी महामार्ग पुन्हा वाहतुकीसाठी सुरु करण्यात आला.
या काळात महामार्गावर अनेक किलोमीटर लांबच लांब रांगा पाहायला मिळाल्या.
अनेक वाहने गोव्याच्या दिशेने जात होती तर अनेकजण कोकणात गावी किंवा पर्यटनासाठी जात होते. महाड येथील भूस्खलनामुळे महामार्गावरील प्रवाशांना याचा फटका बसला.
वाहतूक बंद झाल्यानंतर अनेकांनी सोशल मिडियावर याबाबत तक्रार केली. मुंबई - गोवा महामार्ग सरकारचा फसलेला प्रकल्प आहे. तसेच, महामार्ग पूर्णपणे सुरक्षित आणि सुरळीत करण्यात सरकार अपयशी ठरल्याचा आरोप देखील अनेक नेटकऱ्यांनी सोशल मिडियाद्वारे केला.
समोर आलेल्या माहितीनुसार, या काळात वाहतूक गोव्याकडे जाणाऱ्या कॅरेजवेवरून मुंबईकडे जाणाऱ्या कॅरेजवेकडे वळवण्यात आली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.