कणकवली: मुंबई गोवा महामार्गावर झालेल्या अपघातात कणकवली येथील दोन तरुणांचा मृत्यू झाला आहे. महामार्गावर हॉटेल मालवणी जवळ मध्यरात्री अडीच वाजता हा अपघात झाला. रस्त्यावर उभ्या असलेल्या कंटेनरला भरधाव वेगात आलेल्या दुचाकीने धडक दिली. यात दुचाकीवरील दोघांचा मृत्यू झाला.
संकेत नरेंद्र सावंत (वय २४, परबवाडी, कणकवली) व विद्यानगर येथील साहिल संतोष भगत (वय २३, विद्यानगर, कणकवली) असे या अपघातात मृत झालेल्या दोघांची नावे आहेत.
मिळालेल्या माहितीनुसार, मुंबई - गोवा महामार्गावर वागदे येथील हॉटेल मालवणी जवळ महामार्गावर उभ्या असलेल्या कंटेनरला दुचाकीने धडक दिली. या धडकेत दुचाकीवरील तरुण संकेत आणि साहिल यांचा मृत्यू झाला आहे. दोघे कणकवलीहून ओरोस च्या दिशेने जात असताना हा अपघात घडला. अपघातानंतर पोलिसांनी घटनास्थळी धाव घेत पंचनामा केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.