पेडणे: आमच्या मागण्यासाठी नेहमीच आम्हाला टॅक्सी काउंटर बंद करून आमदार, मुख्यमंत्र्यांकडे जावे लागत आहे. जीएमआर कंपनीबरोबर बैठका करून कोणताच तोडगा निघाला नाही. उलट काउंटर बंद करण्याचा आदेश दिला जातो, अशी माहिती टॅक्सी व्यावसायिकांनी दिली.
मोपा विमानतळावर ब्लू टॅक्सी काउंटर वारंवार बंद करण्याचा आदेश जीएमआर कंपनी देत असल्याने आज टॅक्सी व्यावसायिकांनी आपल्या टॅक्सी पेडणे बाजारात ठेवून मामलेदार कार्यालयात बैठक बोलवली. यावेळी आमदार प्रवीण आर्लेकर, पेडणे उपजिल्हाधिकारी शिवप्रसाद नाईक, मामलेदार रणजीत साळगावकर, वाहतूक अधिकारी व टॅक्सीचालक, चांदेल हसापूरचे सरपंच तुळशीदास गावस उपस्थित होते.
गावस म्हणाले, मी टॅक्सीधारकासोबत असून मुख्यमंत्र्यांनी यात लक्ष घालून हा प्रश्न सोडविणे आवश्यक आहे. आमदार आर्लेकर म्हणाले, व्यावसायिकांच्या समस्या आपण जवळून ऐकलेल्या आहेत. आपण स्वतः मुख्यमंत्री प्रमोद सावंत यांची भेट घेऊन त्यांच्याकडे या समस्या सर्व मांडून त्यांना न्याय मिळवून देण्यासाठी प्रयत्न करणार आहे.
टॅक्सी व्यावसायिक म्हणाले, जर सरकारने आम्हांला परत काउंटर उपलब्ध करून दिला नाही, तर ज्या विभागाने आम्हांला परवाने दिलेले आहेत. ते परवाने आम्ही परत करणार आहोत. तसेच वाहनांच्याही चाव्याही त्यांच्या हवाली सुपूर्द करण्यात येतील. आमचा काउंटर सुरू करावा, तो कधीच बंद करू नये, यासाठी सरकारने आम्हांला न्याय द्यावा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.