मोले: राष्ट्रीय महामार्गवरील दुधसागर देवस्थान ठिकाणी असलेल्या वळणावर ट्र्क व वॅगनर यांच्यात बुधवार (दि.२३)रोजी दुर्दैवी अपघात झाला. या अपघातात एकूण चौघे जखमी झाले असून त्यांना त्वरित उपचारांसाठी पिळये हॉस्पिटलमध्ये पाठवण्यात आलेय. कर्नाटकहून येणाऱ्या या ट्रकचे नियंत्रण गेल्याने ट्रकाने वळणाच्या बाजूला असलेल्या क्रूसाला धडक दिली, तिथेच असलेल्या एका झाडामुळे ट्रक दरीत कोसळताना बचावला.

अद्याप या घटनेत जखमी झालेल्या व्यक्तींची नावं समोर आलेली नाहीत. कर्नाटकमधून येणाऱ्या या ट्रकमध्ये सिमेंटचा भलामोठा लोड होता, तर दुसऱ्या बाजूने येणाऱ्या मडगावमधली वॅगनर गाडी बेळगांवच्या दिशेने चालली होती.

मोले राष्ट्रीय महामार्गवर याच ठिकाणी एक मंदिर आहे, आणि इथून जाणारा प्रत्येक चालक मंदिरात नक्कीच भेट देतो.

त्याचप्रामणे मडगावमधून आलेला ट्रक चालक देखील गाडी बाजूला पार्क करून मंदिरात जाण्याच्या तयारीत असतानाच हा अपघात घडला. यावेळी झालेल्या अपघातात ट्रकमधील दोघांसमवेत वॅगनर गाडीमधील जखमी असलेल्या दोघांवर सध्या उपचार सुरु आहेत.

प्रत्यक्षदर्शी स्थानिक विक्रेत्या महिलेने दिलेल्या माहितीनुसार, हा ट्र्क वेगाने येत असता थेट गाडीला धडक बसली. गाडीमधून उतरण्याच्या तयारीत असलेल्या लोकांना फुरसत देखील मिळाली नाही. ट्रेकाने क्रूसाला धडक दिलीच मात्र झाडाला अडकल्यामुळे ट्रक दरीत कोसळला नाही. या अपघातांची घटना सकाळी ७:३० ते ८ च्या सुमारास झाल्याचं तिने सांगितलं. कुळे पोलिसांकडून पोलीस निरीक्षक राघोबा कामात यांच्या मार्गदर्शनाखाली या अपघाताच्या घटनेचा पंचनामा करण्यात आला.