Modi-Marathi Exhibition: कला व सांस्कृतिक भवन, पणजी येथे प्राचीन अशा मोडी लिपीचे प्रदर्शन भरविण्यात आले आहे. समाजकल्याण, जलवाहतूक आणि पुरातत्व मंत्री सुभाष फळदेसाई यांच्या हस्ते आज (सोमवारी) या प्रदर्शनाचे उद्धाटन करण्यात आले. या प्रदर्शनात नागरिकांना मोडी आणि मराठी भाषेतील प्राचीन दस्ताऐवज पाहता आणि वाचता येतील. मोडी लिपी ही मराठी भाषेची एक लिपी असून, तिचा वापर प्रामुख्याने मध्ययुगीन महाराष्ट्रात शीघ्र लेखनासाठी झाला.

या प्रदर्शनाच्या उद्धाटनप्रसंगी अभिलेखागार आणि पुरातत्व खात्याचे संचालक दीपक बांदेकर आणि इतर कर्मचारी उपस्थित होते.

मोडी लिपीचे प्रदर्शन 16 ऑक्टोबर म्हणजेच येत्या रविवारपर्यंत नागरिकांसाठी खुले राहणार आहे.

मोडी लिपीचा जवळपास 700 वर्षांचा इतिहास सांगितला जातो. छत्रपती शिवाजी महाराज यांनी मोडी लिपीचा वापर राजलिपी म्हणून केला होता.