पणजी: एका व्हिडिओ क्लिपमधील केलेल्या कथित निवेदनाचा सांताक्रूझचे आमदार रुडॉल्फ फर्नांडिस यांनी तीव्र शब्दांत निषेध केला आहे. ज्यामध्ये ते काही विशिष्ट उपक्रमांना पाठिंबा देत असल्याचा दावा करत आपले नाव त्यात वापरण्यात आले आहे, असे रुडाल्फ यांनी म्हटले आहे.

ते पुढे म्हणाले की, आपले खरोखरच त्या क्लिपमध्ये नाव वापरले असेल तर आपण संबंधितांवर कायदेशीर कारवाई करू. आपण शेतात भराव टाकण्याच्या कामाला पाठिंबा देत नाही अन् भविष्यातही देणार नाही.

शेतात किंवा तत्सम ठिकाणी कोणतेही काम होऊ देऊ नये, ही आपली विधानसभेतही भूमिका स्पष्ट राहिली आहे. काशीनाथ शेट्ये चांगले काम करताहेत आणि त्यांच्याबद्दल आपल्या मनात कोणताही आक्षेप नाही.