केपे: फुटबॉल खेळण्यासाठी गेलेल्या अल्पवयीन मुलावर कुत्रा सोडून त्याला चावा घेण्यास प्रवृत्त केल्याचा प्रकार भाट फुटबॉल मैदानाजवळ घडला. कुत्र्याने मुलाच्या दोन्ही पायांचा चावा घेतला, तर आरोपीने त्याला लाकडी दांडक्यानेही मारहाण केल्याचा आरोप आहे.

याप्रकरणी केपे पोलिसांनी किस्टोडिओ डायस (रा. मोवाती भाट, केपे) याला अटक केली आहे. माहितीनुसार, ३० ऑक्टोबर रोजी दुपारी ३ ते सायंकाळी ६ या वेळेत मुलांच्या दोन गटांत वाद झाला.

त्यावेळी किस्टोडिओ डायस हा कुत्र्यासह तेथे आला. त्याने शिवीगाळ करून मुलाला दांडक्याने मारहाण केली आणि कुत्रा त्याच्यावर सोडला. कुत्र्याच्या चाव्यामुळे मुलाचे दोन्ही पाय जखमी झाले. मित्रांनी बचावासाठी हस्तक्षेप केला असता त्यांनाही मारहाण करण्यात आली.