कळंगुट: मरड-म्हापसा येथील एका खेळण्याच्या दुकानाला सोमवारी पहाटे आग लागून सुमारे दहा लाखांचे नुकसान झाले. आगीत खेळण्याबरोबरच फर्निंचरचेही मोठे नुकसान झाले. ऐन दिवाळीच्या पुढे या दुकानाला आग लागल्याने मोठे नुकसान दुकान मालकाचे झाले आहे.

म्हापसा अग्निशमन दलाच्या जवानांनी तत्काळ घटनास्थळी धाव घेत आग विझवण्याचा प्रयत्न केला. परंतु कुलुपबंद दुकानांत पसरलेल्या आगीवर नियंत्रण ठेवणे दलाच्या जवानांना शक्य झाले नसल्याने तोपर्यंत लाखोंचा माल जळून खाक झाल्याची माहिती दुकानाचे मालक महम्मद यांनी दिली. कॉसमॉस सेंटर इमारतीच्या तळमजल्यावर असलेल्या या दुकानात नेमकी आग कशी लागली, हे स्पष्ट झालेले नसून ही आग शॉर्ट सर्कीटमुळे लागल्याचा अंदाज व्यक्त करण्यात येत आहे.