राष्ट्रीय ओबीसी महासंघाची राज्यात कार्यजागृती व्हावी, यासाठी बैठकांचे आयोजन केले जात आहे. त्यादृष्टीने महासंघाचे मुरगाव तालुक्याचे खारवी समाज अध्यक्ष पद्मनाभ आमोणकर यांच्या निवासस्थानी भेट देत ओबीसी महासंघाचे राष्ट्रीय नेते बिंदेश्वरी मंडल यांनी भेट दिली.

मुरगाव तालुक्यात खारवी समाजाचे बहुसंख्य लोक असून महासंघाच्या कार्याची व्याप्ती गावागावांत पोचली पाहिजे, या हेतूने महासंघाच्या बैठका सुरू आहेत.

गेल्या महिन्यात पेडणे तालुक्यातील महासंघाच्या पदाधिकाऱ्यांनी अन्य समाजबांधवांची भेट घेतली व महासंघाच्या कार्यातून समस्त ज्ञाती बांधवांना भेडसावणाऱ्या समस्यांवर तोडगा काढण्यासाठी विश्वासात घेऊन कार्यरत राहण्याचे ठरविले आहे.

त्यादृष्टीने मुरगाव तालुक्यात पद्मनाभ आमोणकर यांच्या मार्गदर्शनाखाली कार्यविस्तार करण्याचे ठरले आहे.

यावेळी त्यांच्यासमवेत राष्ट्रीय ओबीसी (OBC) महासंघाचे राज्य अध्यक्ष मधू नाईक, सतरकर समाज अध्यक्ष प्रशांत माईनकर, कुंभार समाज अध्यक्ष प्रेमानंद शेटकर, डॉ. शांताराम सुर्मे, केशव सेवा हायस्कूलचे अध्यक्ष पांडुरंग कोरगावकर, वास्कोचे जगदीश दुर्भाटकर, दामोदर नडार, शिवन कोरगावकर आदी उपस्थित होते.