Goa Temperature: राज्यात तापमानाचा पारा दिवसेंदिवस वाढत चालला आहे. काल सोमवारी राज्यातील कमाल तापमान 36 अंश होते तर आज, मंगळवारी तापमानात 1 अंशांनी वाढ होत ते 37 अंशांवर पोहोचले आहे.

कमाल तापमानात दिवसेंदिवस वाढ होत आहे. तसेच गोवा वेधशाळेने 10 मार्चपर्यंत कमाल तापमानात 4 ते 5 अंशांनी वाढ होणार असल्याची शक्यता वर्तविण्यात आल्याने नागरिकांनी योग्य काळजी घेणे जरूरीचे आहे.

त्यासोबतच, उत्तर महाराष्ट्र किनारपट्टीवर वाऱ्याचा वेग 40 ते 45 किमी प्रतितास या वेगाने वारे वाहण्याची शक्यता असल्याने पुढील 24 तास महाराष्ट्राच्या किनारपट्टीवर जाऊ नये असा सल्ला देण्यात आला आहे.

आज पणजी येथे कमाल 37 अंश सेल्सिअस तर किमान 21.4 अंश सेल्सिअस तापमानाची नोंद करण्यात आली.

गेल्या काही वर्षात पणजीतील मार्च महिन्यातील सर्वोच्च तापमान

तारीख तापमान (अंश सेल्यिससमध्ये)

• 12 मार्च 1979 -------------39

• 6 मार्च 2013 -------------- 38.7

• 15 मार्च 2005 ----------- 38.7

• 3 मार्च 1984 ------------- 38

• 8 मार्च 2013 ------------- 38

• 15 मार्च 1980 ------------ 37.9

• 4 मार्च 2009 -------------- 37.9

• 14 मार्च 2022 ------------ 37.8