Canacona : राजबाग-काणकोण येथील चाररस्ता-माशे मनोहर पर्रीकर बगलमार्गावर आंबेनास येथे बुधवारी भयंकर अपघात होऊन तिघांचा बळी गेल्यानंतर सार्वजनिक बांधकाम खात्याने कोळसर येथे अखेर दुभाजक उभारण्याच्या कामाला सुरुवात केली आहे. या चौपदरी रस्त्यावर दुभाजक न घालता रस्ता खुलाच ठेवण्‍यात आला होता. त्यामुळे तेथे वारंवार अपघात होत होते. आतापर्यंत या ठिकाणी अपघातात अनेकांचे बळी गेले आहेत.

या चौपदरी रस्त्यावर दुभाजक न घालता रस्ता खुलाच ठेवण्‍यात आला होता. त्यामुळे तेथे वारंवार अपघात होत होते. आतापर्यंत या ठिकाणी अपघातात अनेकांचे बळी गेले आहेत. याठिकाणी रस्ता दुभाजक उभारण्याची मागणी स्थानिक व वाहनचालकांकडून वारंवार करण्यात येत होती. मात्र हमरस्ता विभागाने एका महिन्यापूर्वी वाहनांच्या वेगावर नियंत्रण ठेवण्यासाठी रॅमब्‍लर्स घातले होते. मात्र त्याचा काही उपयोग झाला नाही. धोकादायक वळण चाररस्ता ते माशेपर्यंतच्या चौपदरी रस्त्यावर आंबेनास-राजबाग येथे धोकादायक वळण आहे. याच ठिकाणाहून एक सर्व्हीस रोड राजबाग व चावडीला जातो. त्यामुळे वाहनचालकांची या ठिकाणी गफलत होत आहे.

चाररस्ता- माशे या महामार्गावर राजबाग येथे एका वळणावर 7 सप्टेंबर रोजी दोन कारची धडक होत अपघात झाला. यात तिघांचा जागीच मृत्यू झाला होता. मिळालेल्या माहितीनुसार कारवारच्या दिशेने जाणारी कार रस्त्याचा विभाजक ओलांडून हमरस्त्याच्या दुसऱ्या बाजूने येणाऱ्या दुसऱ्या कारला धडकली. ही धडक इतकी जोराची होती की, कारमधील तीन प्रवाशांना जागीच मृत्यू झाला. हे प्रवासी गाडीत अडकून पडले होते ज्यांना बाहेर काढण्यासाठी शर्थीचे प्रयत्न करण्यात आले.