पणजी येथील 'मेरी इमॅक्युलेट चर्च फेस्त' यंदा रद्द करण्यात आली असून मोदी दौऱ्यानंतर ती भरवण्यात येईल अशी माहिती समोर आली आहे. 9 व्या जागतिक आयुर्वेद काँग्रेससाठी पंतप्रधान मोदी पणजी येथे हजेरी लावणार आहेत. त्यामुळे हा निर्णय घेण्यात आल्याची माहिती समोर आली आहे.

('Mary Immaculate Church Feast' at Panaji has been canceled )

मिळालेल्या माहितीनुसार पणजी येथील कला अकादमी परिसरात 8 ते 11 डिसेंबरदरम्यान होणाऱ्या जागतिक आयुर्वेद काँग्रेससाठी पंतप्रधान नरेंद्र मोदी गोवा दौऱ्यावर आहेत. या दौऱ्यादरम्यान मेरी इमॅक्युलेट चर्चचे फेस्त असतो. ती रद्द करत पुढे 12 अथवा 13 डिसेंबर रोजी घेण्यात येईल. अशी माहिती पणजीचे नगराध्यक्ष रोहित मोन्सेरात यांनी दिली आहे.

गेली दोन वर्षे कोविड महामारीच्या काळात गोव्यातील चर्च बंद होते. त्यामुळे या काळात ही फेस्त भरु शकलेली नाही. यंदा ही रद्द होणार असल्याच्या चर्चेने स्थानिक नागरिकांनी याबाबत नाराजी व्यक्त केली होती. यावेळी चणे, खाजे विक्रेत्यांनी फेस्त व्यवसाय करण्यायासाठी चांगली संधी आहे. त्यामुळे ती रद्द होऊ नये असे म्हटले आहे.